कोटी कोटी थापा तुझ्या ,कोटी कोटी वादे सारे

कोटी कोटी थापा तुझ्या ,कोटी कोटी वादे सारे
कुठे कुठे शोधू तुला ,भटकतोस जगभर कारे


सोडून देश आपला नेहमी बाहेर तुझा वास
देहबोलीतून येतसे  अहंकारी वास
येत जाता फेकूगिरी, विश्वास ठेवू कसा रे

ध्रु: कोटी कोटी थापा तुझ्या ,कोटी कोटी वादे सारे

कधी होतोस बब्बर शेर, कधी चाय वाला
गप्पा सांगे साबरमती,हा बारामती वाला
रंग बदली सरड्या परी, खरा रंग कोणता रे

ध्रु: कोटी कोटी थापा तुझ्या ,कोटी कोटी वादे सारे


प्याकेज विना दुजा शब्द तुला का मिळेना
खरे रुप कोणते तुझे ह्या पामरा कळेना
देशी परत आणू कसा मार्ग मला मिळेना

ध्रु: कोटी कोटी थापा तुझ्या ,कोटी कोटी वादे सारे

एक थेंब तुझ्यासाठी
७ नोव्हेंबर २०१५

भावनांचा खेळ बिलोरा

एक एक आठवण ,पापण्यांच्या कडा ओल्या
जाती परतून नयनी , भावनांचा खेळ बिलोरा

अलगद जरी टपकली , खळकन येतो आवाज
काचेच्या आठवणी राहती काचेच्या पेल्यात

हळुवार पणे , नाजूक फुंकर , येतो शहारा
आठवनींचा पसारा नव्हे काचेचा खेळ सारा

हिशोब मांडते कधी मी , फुटलेल्या काचांचा
बोचते एखादी मधेच, जाणीव चुकांची होता

फुटलेल्या परी ,बोचलेल्या अधिक  होत्या
नाजूक तेवढ्या  बाकी खर्च व्हायच्या होत्या

नाजूक तेवढ्या खर्च व्हायच्या होत्या.........

एक थेंब तुझ्यासाठी 

हीच चिंता त्या शब्दांच्या माथी

विचारांचा घोटला गळा,भावनांचा केला चक्काचूर
विचारतात उरले काय मग , मनाच्या तळाशी आता

तो विचार, ती भावना ह्यांचा बळी घेवून जन्मली कविता

तू चुंबिता ते शब्द कवीचे , झाले जिवंत सगळे पुन्हा
विचार झाले शिरजोर, भावना झाल्या अनावर पुन्हा

देवून जीवन त्यांना तू घेतलास बळी कवितेचा ,


जन्म  की मृत्यू  दोन्ही खेळ ना कोणाच्या हाती
मोक्ष कसा लाभावा, हीच चिंता त्या शब्दांच्या माथी

हीच चिंता त्या शब्दांच्या माथी

एक थेंब तुझ्यासाठी .
23 August 2015 

सांगू किती आईकना , आईकु किती सांग ना

सांगू किती आईकना , आईकु किती सांग ना
सांगू किती आईकना , आईकु किती सांग ना …… धृ….

आणलेस का मज सांग ना , ओंजळीतून हे शिंपले
स्वप्नापरी जे रंगले , होऊन मोती किती सांडले
नकाराची तुला मी……  देवू किती कारणे ,
घे की रे समजून साजणा , मन मोहना  मन मोहना .

सांगू किती आईकना , आईकु किती सांग ना
सांगू किती आईकना , आईकु किती सांग ना …… धृ….


हैराण मी, व्याकूळ मी , तो स्पर्श का वाटे हवा मला
तनमनात भरलेला गंध वेडा शोधते मी दुराव्यात हि ….
नकाराची तुला मी……  देवू किती कारणे
ओढ हि मनीची  संपेल कशी  सांग ना , सांग ना

सांगू किती आईकना , आईकु किती सांग ना
सांगू किती आईकना , आईकु किती सांग ना …… धृ….

ठेवून भाळी अधर तुझे का भरलेस मळवट असे  
शमली माझी क्षुधा , तृपता दाटली मनी माझ्या
नकाराची मला  …सापडूच नये कारणे  आता
उगा लांबलेली भेट हि घेवून मिठीत संपवना संपव आता

सांगू किती आईकना , आईकु किती सांग ना
सांगू किती आईकना , आईकु किती सांग ना …… ….

एक थेंब तुझ्यासाठी
१५ ऑगस्ट २०१५ 

जीथे होते थीजले निखारे दवाने

जीथे होते थीजले निखारे दवाने
तृषा का भागली फक्त एका थेंबाने

जाळणारा पाउस आला परत जोमाने
रोमरोमातुनी चेतवून गेला निखारे

डुंबले किती तरी वर यावे नव्याने
खोल किती राहावे मनाच्या तळाने

सांडला प्राजक्त अंगणात कशाने
नकळत झालेल्या अबोल स्पर्शाने

एक थेंब तुझ्यासाठी
२९ मार्च २०१५

परी सौदागिरी येत नाही ......

दुनियेतला मी जरी, परी दुनियेचा चाहता नाही
चालतो या बाजारी जरी,  परी ग्राहक मी नाही

असलो हृदयात जरी, परी वेदना मी नाही
नाद मधुर उठला जरी, परी कंपने माझी नाही

वाटलो बिमार जरी, परी आजारी मी नाही
असलो वैदू किती जरी, परी औषध ठावूक नाही

भाव मला ठावूक जरी, परी व्यापारी मी नाही
सौद्याचे कळले मोल जरी, परी सौदागिरी येत नाही
एक तेवढी परी सौदागिरी येत नाही

एक थेंब तुझ्यासाठी
८ मार्च २०१५

ओढून धुक्याची दुलई

ओढून धुक्याची दुलई आले मी बेभान इथवर 
कळले न मला नजरेतुनी तुझ्या पोचले कुठवर 
दुलईत धुक्याच्या राहूदेत लपेटूनी मजला 
पहाटेच्या गुलाबी थंडीत मिठीत तुझ्या साजणा 
कायमची निजुदेना मला ………………

सावर ग सये तुझ्या उनाड बटा ,

हाय रोज वेग वेगळ्या छटा ,
सावर ग सये तुझ्या उनाड बटा ,

काळजाच्या जखमांनी दिली वर्दी
पौर्णिमेच्या चांदण्यांचा घाव वर्मी

ऋतूही आताशा लागले बघ छळू
ऐन वसंतात बहर लागला गळू

कल्लोळ भावनांचे  उमटू लागले
मंदिरातले दिवे विझू लागले

इर्षेत भ्रमर सारे बघ जळू लागले
ऐकून कहाणी सारे पळू लागले

हर एक दिवस , हर एक अदा
सावर ग सये तुझ्या उनाड बटा

एक थेंब तुझ्यासाठी
०३ मार्च  २०१५

कहाँ से आई है ये बेरुखी ?

कहाँ से आई है ये बेरुखी ? मुझमे मुझको पता नहीं
वरना जिंदगी तो कुछ सिक्के, कुछ पल , कुछ बातों में
यूँही गुजर जाती थी.....

ये हवा, ये मौसम ,ये नज़ारे कुछ अलग अंदाज बयां करते है
कुछ छींटे बौछारोंकी , कुछ बुँदे सावन की ,
कभी मासूम हुवा करती थी।

दुखों को पीछे छोड़ने की जद्दो जिहाद में
खुशियोंकी तलाश में.ज़िन्दगि मौताज हो गई

नजाने कहांसे आई ये बेरुखी ? मुझमे मुझको पता नहीं 

थ्यांक्स गिव्हिंग सुरु आहे ........

वखवखलेले डोळे , आसुसलेल्या जिभा
हाव काही सुटेना, फाटून गेला जरी खिसा

ओता पाणी कितीही तहान काही भागेना
ओरपण्याची सवय काही केल्या जाईना

डिसकाउंट हवे ह्यांना, कुपन हवे सर्वदा
भूक ह्यांची भागणार कधी हेच समजेना

ओढाओढी, रेटारेटी लांबचलांब रांगा सुरु
ह्या भुकेल्या भसमासुरांची पोटे कशी भरू

पाहून हे सारे खिन्नता मनी डोकावु लागे
थिजून गेले मन माझे,सुन्न झाले डोके,

हर एक हपापलेल्या राक्षसांची कहाणी वेग वेगळी
दारी असूनही समृद्धता, समाधानी रिकामी झोळी

वाटेल तुम्हाला काय हे चालू आहे काय मी बोलू
सांगतो तुम्हाला , पटणार नाही तरीहि

थ्यांक्स गिव्हिंग सुरु आहे …. एक शब्द नका बोलू

एक थेंब तुझ्यासाठी 

पापण्या मिटून सये खुदकन अशी हसलीस का

पापण्या मिटून सये खुदकन अशी हसलीस का
घायाळ मी कसा झालो वर विचारतेस का आता

दाबून हलकेच ओठ, केलास तो दंश लटके पहाता
हरपले भान, आला कंठाशी प्राण, थांब जराशी आता
सांग आणू मी कोठून जालीम विषाचा उतारा आता

घायाळ मी कसा झालो वर विचारतेस का आता

आवळताना मिठीत तुजला बावरलीस का आता
मोहरली बघ काया, किती घेशील चोरून तरी आता
नकोस घेवू आढेवेढे ,चालणार नाही बदमाशी आता ,

घायाळ मी कसा झालो वर विचारतेस का आता
घायाळ मी कसा झालो वर विचारतेस का आता

एक थेंब तुझ्यासाठी
27 November 2014