परी सौदागिरी येत नाही ......

दुनियेतला मी जरी, परी दुनियेचा चाहता नाही
चालतो या बाजारी जरी,  परी ग्राहक मी नाही

असलो हृदयात जरी, परी वेदना मी नाही
नाद मधुर उठला जरी, परी कंपने माझी नाही

वाटलो बिमार जरी, परी आजारी मी नाही
असलो वैदू किती जरी, परी औषध ठावूक नाही

भाव मला ठावूक जरी, परी व्यापारी मी नाही
सौद्याचे कळले मोल जरी, परी सौदागिरी येत नाही
एक तेवढी परी सौदागिरी येत नाही

एक थेंब तुझ्यासाठी
८ मार्च २०१५