खेळू देत मला रंगपंचमी तुझ्याशी

खेळू देत मला रंगपंचमी तुझ्याशी




रंगून जाईन तुझ्या नेत्री रंग निशेचा होऊनी

रंगून जाईन तुझ्या ओठी रंग गुलाबी बनुनी

रंग घेऊन पाहाटेचे रंगवीन तुझी स्वप्ने

रंग होऊनि रक्तिमेचा रंगवीन तुझ्या गालाना

रंग होऊनि केशरी पुजीन जीवनी तुला

धरतो आस मनी नेहमीच आशी रंगपंचमी व्हावी.



झालोच मी जर कान्हा ...तुच माझी राधा व्हावी

सांग मला कसे पेलतेस तू सजणे

माझ्या लग्नाचा ८ तारखेला वाढदिवस आहे, नेहमी प्रमाणे मी या वर्षी सुद्धा कुठेतरी बाहेरच आहे

चला म्हटले काहीतरी फोन वर बोलून, किंवा त्याच त्या भेटवस्तू पाठवून कंटाळलो आहे

थोडे काहीतरी वेगळे करावे....म्हणून मग हे लिहिले......माझ्या बायकोसाठी.......:-)

नाजूक बोटांनी तुझ्या तू बटाना सावरतेस,

हळुवारपणे पापण्यांमध्ये स्वप्ने मिटून घेतेस.

मुद्दामून तुझे हे असे सहज  बाहेर पडणे

जणू संध्याकाळच्या नभालाही लाजवणे

कळीलाही लाजवेल असे हे तुझे हसणे

गालावरती खळ्या नव्हे जणू पाकळ्या सांडणे

वार्यालाही क्षण  भर रोखेल असे तुझे बघणे

मिटताच डोळे, सारा आसमंत लपेटणे

सुंदर तुझी हि काया, जणू स्वर्गातील अप्सराच तू

मोहक असे हे ओठ कि जणू मद्याचा प्यालाच तू

असे हे नशिले, सहज आणि मोकळे  सौंदर्य तुझे

सांग मला कसे पेलतेस, तू सजणे.....सांग मला कसे पेलतेस तू सजणे

महेश उकिडवे

माझ्या मनाला ओले चिंब करून गेला पाउस आज

काही विशेष नाही, आज सिडनी मध्ये बसलो आहे, बाहेर जोरदार पाऊस कोसळतो आहे.

आणि तिचा मेसेज आला कि ती आठवण काढून माझी रडत आहे भारत मधे........म्हणून मग तिच्या साठी काहीतरी लिहावेसे वाटले इतकेच.....................................................

माझ्या मनाला ओले चिंब करून गेला पाउस आज

काल रात्रीही स्वप्नात आली होतीस पाउस होऊन....

रात्रभर केलेला धिंगाणा तुझा , आणि केलेली मस्ती

सांगत होता पाऊस मला ,येवून माझ्या दारी

असेच भिजत होतो रात्र भर मी तुझ्यात

माहित नाही पावसाचे ते  थेंब होते कि  तुझे अश्रू.

आशीच बरसात राहिलीस तर काय सांगावे

होईन मीही असाच धुंध, आयुष्यभर 

फक्त फरक एवढाच होईल कि वर्षाचे बारा महिने 

पाऊस पाऊस आणि पाऊस होईल.

महेश उकिडवे