निरखुनि बघता तुला ,किनारा किनारा

रोज रोज का असे श्वासांचा पहारा
रोम रोमातुनी उठे हा नवीन शहारा
कातर वेळीस का हा फुलतो निखारा
निरखुनि बघता तुला ,किनारा किनारा

थकलो मी उगाळून संयमाचे वेढे
देवून जाहले उसने अवसान काढे
सोडून उसासे मोजले रोजचेच पाढे
निरखुनि बघता तुला ,किनारा किनारा ….

सुगंधी स्वप्नाची नशा मैफिलीला
गुंतनार्या बटांची साथ सोबतीला
उधळतो मग मोगरा संगतीला
निरखुनि बघता तुला ,किनारा किनारा ….

एक थेंब तुझ्यासाठी
२७  नोव्हेंबर २०१३