करशील का?
सगळे सोडून मी चाललो,
तुझ्या केसातला मोगरा तेवढा मला देशील का?
सगळे दुख: मी कोळून प्यायलो,
उरले जे मनात ढाळायला खांदा तुझा देशील का?
मोकळे केले तुला सार्या शपथा मधुनी
राहिली तेवढी एक माझ्या ओठी सोडवून जाशील का?
वाचत राहिलो आयुष्य भर मी डोळ्यातुनी
कळली नाही काही पाने तेवढी वाचून जाशील का?
विसरून गेलो सारी स्वप्ने मी जाता जाता
राहिली काही मनात माझ्या सांग त्यांना जाळून जाशील का?
गेले उडून सारे गंध आता
आहे मागे तो वेडा एक गंध सांग त्याला देशील का?
पुसल्या मी खुणा सार्या जाता जाता
राहिली एक खुण तेवढी माथ्यावर तुझ्या ....
नको नको तेवढी एक तुलाच ठेवून घेशील का?
महेश उकिडवे
No comments:
Post a Comment