मकरंद होताना ......

पहिले तुला उमलताना ,लाजून चूर चूर होताना
ओघळणारे थेंब इवले पानावर दवबिंदू होताना
वाऱ्याच्या हलक्या स्पर्शाने कळीचे फुल होताना

बहाण्याने संध्येच्या, तू अधर मिटून घेताना,
का लाजलीस  सखे, तो भुंगा रुंजी घालताना
बावरला बघ किती तो, तुझ्या मिठीत शिरताना

रात्र सारी गेली मिठीत तुझ्या, पहाट होताना
कुशीत तुझ्या पहिले स्वप्न, झुंजूमुंजू होताना,
देवू नकोस आळस आता, मी असा निघताना

जावू नको का मी येथून मनात माझ्या नसताना
होवून भ्रमर येवू का मी, कळीचे फुल होताना
टिपण्या ओठांवरचे दवबिंदू , मकरंद होताना

मकरंद होताना ......

एक थेंब तुझ्यासाठी