आठवते मज सारे , पडता पाऊस चोहीकडे
तशातच..
ते उठलेले वादळ, तो सुटलेला वारा,
ते दाटलेले काळे ढग, तो निसर्गाचा इशारा,
आठवणी ह्या मजपाशी...
तशातच....
कडाडणारी वीज, कोसळणारा पाऊस,
कुंदधुंध हि हवा, ओले ओले कासावीस मन
आठवणी ह्या साऱ्या मजपाशी...
तशातच...
तुला झालेला पहिला स्पर्श, तू घेतलेले ते चुंबन,
मोहरलेले ते यौवन, उठलेले ते रोमांच
आठवणी ह्या साऱ्या मजपाशी....
कोरड्या मनाला, समजावीत उभी मी उंबर्याशी..
सांगू कुणा आता साऱ्या, गेला साजण दूरदेशी
गेला साजण दूरदेशी..
एक थेंब तुझ्यासाठी
No comments:
Post a Comment