सांग ना मला …….
बरसणारा पाउस माझा वैरी का असेना
हळव्या तुषारांचा भार असा का सोसेना
गरजणारी बिजली जणू पेटवे वणवा उरी
जावू कसे सामोरे ह्याला …. सांग ना मला …।
मोगरा , पारिजातक, चाफा का मज पटेना
सुगंध ह्यांचा जणू , लाही लाही मज वाटेना
कोवळा स्पर्श रोमरोमात फुलतो निखारा
चटका मी झेलू कसा . सांग ना मला …।
आवेग सरला मागे , गेली सुकून हि काया ,
मुक्या मनाला ,का न उमजे हि मुकी भाषा
लोचनांची भाषा तुला , कळूनी का वळेना
बोलू मी तुजशी कैसे सांग ना मला …।
एक थेंब तुझ्यासाठी
०८ मे २०१६
No comments:
Post a Comment