जे कधी नव्हते तुझ्या मना, का ऐकू येई ते उगा मला
गुंफताना बंध रेशमांचे, गुंतले कसे कळेना मला...
तुझ्या हृदयाच्या वाटा शोधताना, मल्हार साथीला असताना
लागली नजर कोणाची कि उमटली रेष ललाटी अभाग्याची
दूर दूर जाता जाता , जवळ जवळ येताना उमगले मला
जे कधी नव्हते तुझ्या मना, का ऐकू येई ते उगा मला
गुंफताना बंध रेशमांचे, गुंतले कसे कळेना मला...
अबोल लोचनि बरसे मल्हार, थिजलेले अधर अबोल फार
थरथरते स्वप्न वाहते पावसात , निशब्ध दडलेल्या हुंदक्यात
क्षितिजा वर गेला प्रवास स्वप्नांचा , दूर जाणाऱ्या समांतर रेषांचा
जे कधी नव्हते तुझ्या मना, का ऐकू येई ते उगा मला
गुंफताना बंध रेशमांचे, गुंतले कसे कळेना मला..
एक थेंब तुझ्यासाठी
१ नोव्हेंबर २०१८
No comments:
Post a Comment